- O establecemento, especializado en xeados artesáns, abrirá as portas hoxe na Zona Vella de Santiago de Compostela, cunha degustación para todas as persoas asistentes.
- É a segunda tenda da marca Bico de Xeado, tras o establecemento do que dispón na Coruña.
Granxa O Cancelo, quen comercializa os xeados Bico de Xeado, é un proxecto promovido pola empresa galega Cooperativa Agraria Comarcal da Coruña. Dende 2011 comercializa leite fresco pasteurizado e en 2012 comezou coa elaboración dos xeados artesáns que comercializan. O proceso de expansión fixo preciso ampliar instalación abrindo un novo obradoiro de xeados artesáns en Arteixo (A Coruña).
A idea de elaborar xeados artesáns xurde na procura de productos lácteos de maior valor engadido e no desexo de chegar a novos mercados. No contexto actual de crise do sector leiteiro, a iniciativa cobra un novo sentido na liña de manter en funcionamento as explotacións gandeiras e con elas o emprego e a actividade económica no medio rural.
Utilizan como base materias primas de primeira calidade comezando polo leite fresco da Granxa O Cancelo. Ao leite engádeselle nata, azucre, froita fresca, chocolate, vainilla, licor, iogur, turrón, menta, pistacho, améndoas, e un largo etcétera en función da variedade, mais sempre escollendo os mellores ingredientes. Xunto có bo facer do persoal da Granxa O Cancelo o resultado é un xeado artesán único no mercado.
Nos primeiros ano a distribución destes xeados facíase a través de pequenas tendas de proximidade e na hostalería. No ano 2014 sacouse ao mercado unha imaxe anovada coa marca “Bico de Xeado”, realizouse unha importante expansión chegando a estar en establecementos alén das fronteiras galegas e comezouse a traballar para dispoñer de xeaderías propias. En maio de 2015 comezou unha nova andaina coa primeira xeadería propia na cidade da Coruña.
Continúase o proceso de expansión cun novo local en Santiago de Compostela, na Rúa do Vilar.
En palabras do xerente Jesus Otero “Somos unha empresa galega que cré e aposta polos nosos produtos e por buscar maior valor engadido elaborando xeados artesáns de calidade extraordinaria. Isto permitiunos abrir unha nova actividade comercial, crear emprego e, en definitiva, riqueza que repercute no noso entorno máis próximo”
Lugar: rúa do Vilar, 81. Santiago de Compostela.
Data: 23 marzo, 16:00
