- O Centro da Rede Eusumo, Fundación Terra de Trasancos (Narón), acollerá mañá a estudantes do IES Saturnino Montojo (Ferrol).
- Participarán nunha charla informativa e percorrerán as instalacións da cooperativa Santa María do Val.
- A actividade enmárcase na Rede Eusumo para o para o Fomento do Cooperativismo e a Economía Social.
Técnicos de AGACA impartirán mañá unha xornada didáctica sobre as vantaxes do cooperativismo como fórmula de emprendemento ou de crecemento laboral e económico para o alumnado dun dos ciclos medios de formación profesional do ferrolán IES Saturnino Montojo. O obxectivo da actividade, enmarcada nun dos “Obradoiros de Emprendemento Cooperativo Eusumo” é darlles a coñecer este modelo de negocio e que o teñan en consideración ao finalizar os seus estudos.
Os estudantes, logo da charla teórica, poderán visitar as instalacións da cooperativa Santa María do Val, dedicada a proporcionar servizos e insumos agropecuarios, onde os traballadores lles amosarán paso a paso os pormenores do funcionamento dunha sociedade destas características.
Rede Eusumo
Asesoramento, orientación, formación, acompañamento nas iniciativas empresariais, apoio á internacionalización, celebración de encontros internacionais e transfronteirizos, intercambio comercial e cooperación transversal definen a rede transversal de colaboración Eusumo, naci¬da no 2011 co impulso da Consellería de Economía, Emprego e Industria.
