O reto ambiental marcará esta década. Os retos ambientais aos que se enfronta a gandería, como as emisións de gases de efecto invernadoiro, o amoníaco, a calidade da auga e a biodiversidade, serán abordados de forma exhaustiva polo sector nos vindeiros anos. Pero o produtor primario é igualmente importante e debe ser valorado pola súa contribución á produción de alimentos sans, nutritivos e seguros. Temos unha viaxe que facer nesta década, e é importante que a carga sexa compartida por toda a sociedade.
É moi inquietante observar a crecente narrativa dirixida á comunidade agrícola no debate climático. Os que descartan a investigación e as solucións científicas, a favor de respostas demasiado simplistas como a redución do número de vacas/animais, están a caer na trampa do catastrofismo climático.
É moi inquietante observar a crecente narrativa dirixida á comunidade agrícola no debate climático. Os que descartan a investigación e as solucións científicas, a favor de respostas demasiado simplistas como a redución do número de vacas/animais, están, na nosa opinión, a caer na trampa do catastrofismo climático. Tamén pode servir para desmotivar a boa parte da sociedade, se o debate sobre o cambio climático se volve sesgado e se centra en cuestións como o número de vacas/ animais. Como cooperativas integradas no rural, non podemos permitir que isto suceda e tampouco imos fuxir dos retos aos que se enfronta a gandería e a sociedade en xeral.
A mensaxe clave das cooperativas e de AGACA é que moitas das medidas de eficiencia climática son viables dende a perspectiva dun gandeiro que conta cos debidos apoios.
A mensaxe clave das cooperativas e de AGACA é que moitas das medidas de eficiencia climática son viables dende a perspectiva dun gandeiro que conta cos debidos apoios, por exemplo: mellora do manexo, incorporación de pastos e leguminosas, aplicación de xurros mediante o sistema de bandas con mangueiras, alimentación cunha menor ración de proteína bruta etc. Todos os axentes do sector deben reforzar a «viabilidade» das medidas, traballando conxuntamente para reducir as emisións de gases.
Hai que ter en conta a importante contribución do sector lácteo e cárnico á economía rural e de Galicia, ás exportacións e á creación de emprego. A vantaxe competitiva do noso sistema de produción baseado en herba e millo forraxeiro e a baixa pegada de carbono do sector, baseada en comparacións, así como o risco asociado de fuga de carbono reforzarán unha resposta racional. Explicaremos a contribución do noso sector gandeiro á seguridade alimentaria e á provisión dunha nutrición saudable e sustentable de gran calidade.
No 2022 abordaremos cuestións cruciais para a gandería galega sabendo que a UE avanza con obxectivos climáticos novos moi ambiciosos. Tamén coñecemos o debate en curso sobre o futuro do transporte de animais vivos, o uso das gaiolas… Por iso, insistimos en camiñar xuntos cara a un futuro sustentable para o sector.
Editorial 156 Decembro 2021 E a maiores o gran reto ambiental (PDF)
