- A Fundación Terra de Trasancos (Narón) acolleu esta mañá a estudantes do CEIP Otero Pedrayo, de Rábade, mentras que, por outra banda, estudantes do IES Castro Alobre (Vilagarcía de Arousa) aprenderon o funcionamento duhna cooperativa nunha visita a Condes de Albarei e ao Pazo Baión.
- Os estudantes Participaron en senllas charlas informativas e percorreron as instalacións das entidades, que operan en varios sectores económicos, para aprender en que consiste a economía social e como funciona unha cooperativa.
- As actividades forman parte da Rede Eusumo, para impulsar a economía social e o cooperativismo como modelo de negocio de éxito.
Estudiantes de cuarto curso de Secundaria do instituto Castro Alobre, de Vilagarcía de Arousa, visitaron a bodega cooperativa Condes de Albarei. Persoal da bodega explicoulles o funcionamiento diario da cooperativa e o, alumnado puido a continuación percorrer as instalacións do Pazo Baión e as viñas para coñecer o proceso de produción de viño.
Por outra banda, unha trintena de escolares de quinto e sexto de Primaria do colexio Otero Pedrayo, de Rábade, visitaron Terra de Trasancos, que desenvolve a súa actividade en varias áreas, entre elas agrícola, supermercado e perruquería, dentro da economía social.
Futuro cooperativo
Ambos os dous talleres divulgativos informan acerca das características da economía social, como a toma democrática de decisións, a distribución equitativa de beneficios ou a redución de riscos asociados ao emprendemento.
O obxectivo é presentar ao alumnado as posibilidades da economía social como modelo de negocio que pode prosperar no medio rural e en diversos sectores produtivos e de servizos.
Rede Eusumo
Esta actividade se enmárcase no programa de actuación 2018 da Rede Eusumo. A Rede Eusumo é una rede de colaboración impulsada pola Secretaría Xeral de Emprego da Xunta de Galicia para o fomento do cooperativismo e a economía social que conta coa financiación do Ministerio de Emprego e Seguridade Social.
