- Dúas das técnicas de AGACA que participan no proxecto europeo ToTCOOP+i realizaron esta mañá, de 09:00 a 14:00 horas unha sesión piloto de formación cos beneficiarios finais do proxecto ToTCOOP+i, unha alianza estratéxica para innovar a formación de formadores nas cooperativas agroalimentarias europeas.
Tivo lugar en Cambados, na sede da Adega Condes de Albarei, e participaron nela os membros do consello reitor da cooperativa e outros socios interesados. Fíxose unha exposición de dous módulos formativos elaborados no proxecto e os participantes puideron probar o uso da plataforma de teleformación preparada a tal fin. Esta sesión foi impartida por Ruth Rodríguez e Loli Couso, técnicas de AGACA.
ToTCOOP+i é unha alianza estratéxica para innovar a formación de formadores das cooperativas agroalimentarias europeas.
ToTCOOP+i consta de seis organizacións de diferentes estados membros da UE (España, Italia, Suecia, Irlanda, Polonia e Letonia ) que traballan no sector cooperativo e conduce os provedores de EFP. Está financiado por Erasmus+, o principal programa da Unión Europea no campo da educación e a formación profesional.
Pode aprender máis sobre ToTCOOP+i na súa páxina web: http://totcoopi.eu/
