NOTA DE PRENSA: Asoc. Agrarista Círculo Gacela
- A Asociación Agrarista Círculo Gacela, coa colaboración da Consellería de Medio Rural e a Concellería de Cultura de Ferrol, organiza unha charla informativa sobre a recente problemática da pataca.
A bisbarra de Ferrolterra é unha das máis afectadas pola praga da couza guatemalteca da pataca. Unha praga que nos preocupa a todos e todas xa que na meirande parte das casas temos horta e botamos patacas para nós e incluso para repartir coa familia.
Aínda que a situación da praga non é nova, nos últimos días asistimos a unha manchea de resolucións, acordos, noticias e declaracións que xeran desinformación e inseguridade sobre que facer.
A Xunta publicou un par de resolucións sobre este asunto obrigando a declarar as plantacións das patacas de cedo e prohibindo súa plantación ante a recente publicación dun decreto estatal prohibindo as plantacións e obrigando a levantar o xa sementado nos municipios afectados.
Para aclarar conceptos, analizar o contexto normativo vixente e previsible, e solucionar as dúbidas que se están a xerar, a Asoc. Círculo Gacela organiza unha charla, que será impartida directamente por persoal técnico da Consellaría do Medio Rural.
- Data: venres 10 de marzo
- Hora: 18.00 horas
- Lugar: Centro Cívico de Caranza
- Imparte a charla: persoal técnico da Consellería do Medio Rural
