- Montes, presidente da láctea Feiraco, recolleu o galardón de mans do presidente da Xunta Alberto Núñez Feijóo.
- A Confederación de Empresarios de La Coruña outórgalle o recoñecemento polo súa contribución “inestimable ao progreso de Galicia”.
Onte entregouse a José Severino Montes, presidente de Feiraco, o X Premio Liderazgo Empresarial en Oleiros. O galardón, que concede o Comité Executivo da Confederación de Empresarios de La Coruña tendo en conta cuestións como a creación de emprego, contribución ao PIB galego e á rendibilidade empresarial, recoñece o labor de Montes como “xestor eficaz” e a súa implicación co cooperativismo. É a primeira vez que unha personalidade relacionada o sector agrogandeiro resulta premiada.
Durante a recollida do premio, o presidente da Xunta Alberto Núñez Feijóo destacou a capacidade de “adaptar o tradicional ao moderno” de Feiraco mentres que o presidente da patronal coruñesa, Antonio Fontenla, recoñecía a “pegada imborrable” da cooperativa en Galicia así como a relevancia do sector lácteo na Comunidade.
Pola súa banda, o premiado aludiu á necesidade de unirse e innovar para o avanzamento do sector lácteo galego dentro do panorama nacional e rememorou os valores aprendidos durante a infancia e xuventude para promover a colaboración e motivación das persoas para lograr obxectivos.
Ademáis de presidir Feiraco, Montes é presidente da Asociación Galega de Cooperativas Agroalimentarias, vicepresidente primeiro da Confederación Empresarial Española de la Economía Social (CEPES) e vicesecretario de Cooperativas Agro-alimentarias de España.
