{"id":18908,"date":"2024-01-09T14:21:32","date_gmt":"2024-01-09T14:21:32","guid":{"rendered":"https:\/\/agaca.coop\/?p=18908"},"modified":"2024-01-09T15:28:03","modified_gmt":"2024-01-09T15:28:03","slug":"a-normativa-que-bandea-ao-sector","status":"publish","type":"post","link":"https:\/\/agaca.coop\/gl\/a-normativa-que-bandea-ao-sector\/","title":{"rendered":"A normativa que bandea ao sector"},"content":{"rendered":"

O sector agrario galego non \u00e9 alleo \u00e1s necesidades de mellora e coidado medioambiental que precisan o noso h\u00e1bitat e medio de vida, e tampouco ignora o empuxe da tecnolox\u00eda e a dixitalizaci\u00f3n, xa indispensables para todos n\u00f3s. O mesmo acontece coa Administraci\u00f3n, encargada de velar e ordenar os nosos intereses dende o respecto e a protecci\u00f3n do medio.<\/strong><\/p>\n

O final do ano 2022 foi extremadamente prol\u00edfico en canto a normativa de obrigado cumprimento, xa que, xunto a outras disposici\u00f3ns do ano 2023 e no marco do noso sector, as administraci\u00f3ns p\u00fablicas dese\u00f1aron unha serie de ordenanzas e recomendaci\u00f3ns que \u00e9 preciso co\u00f1ecer por supo\u00f1er cambios relevantes na xesti\u00f3n e manexo das explotaci\u00f3ns agrarias e gandeiras que comezar\u00e1n a aplicarse ao longo do 2024.<\/p>\n

Non \u00e9 posible resumir nunhas poucas p\u00e1xinas toda a nova normativa a cumprir a partir de 2024. A nosa recomendaci\u00f3n pasa pola conveniencia de ler, con calma, cada unha das normas mencionadas.<\/p><\/blockquote>\n

Entendemos que non deber\u00eda aplicarse ningunha norma sen explicala previamente e sen dar por feito que por aparecer publicada no BOE xa \u00e9 de dominio p\u00fablico e comprendida por todos e todas. Neste senso, agardamos que a entrada en vigor e aplicaci\u00f3n das obrigas especificadas se sucedan dun xeito gradual.<\/p>\n

A trav\u00e9s deste artigo achegar\u00e9monos a alg\u00fans dos aspectos m\u00e1is transcendentes das normativas en canto a cambios inminentes e consecuencias para as explotaci\u00f3ns e as persoas profesionais do agro. \u00c9 inviable abarcar aqu\u00ed a totalidade da ordenanza pola s\u00faa dimensi\u00f3n, por iso debemos limitarnos a unha selecci\u00f3n previa dos contidos dun xeito moi resumido. A nosa recomendaci\u00f3n pasa pola conveniencia de ler, con calma, cada unha das normas mencionadas.<\/p>\n

As cooperativas deben postularse como unha canle directa e pr\u00f3xima de asesoramento, apoio e servizo aos socios e socias, que previsiblemente se van sentir desbordados.<\/p><\/blockquote>\n

Tam\u00e9n entendemos que as cooperativas poden e deben converterse nun elemento fundamental para que as persoas socias poidan abordar con \u00e9xito os retos que as novas normas marcan ao sector, como unha canle directa e pr\u00f3xima de asesoramento, apoio e servizo.<\/p>\n

SIEX, REA, CUE, Informaci\u00f3n unificada<\/span><\/h4>\n

REAL DECRETO 1054\/2022, DE 27 DE DECEMBRO<\/strong><\/p>\n

\"\"O Real Decreto 1054\/2022 regula a informaci\u00f3n, ata o de agora dispersa, de explotaci\u00f3ns agr\u00edcolas e gandeiras e da produci\u00f3n agraria, e incorpora medidas novidosas como a implantaci\u00f3n dun Sistema de Informaci\u00f3n de Explotaci\u00f3ns agr\u00edcolas, gandeiras e da produci\u00f3n agraria (SIEX), do Rexistro Auton\u00f3mico de Explotaci\u00f3ns Agr\u00edcolas (REA) ou do Caderno Dixital de Explotaci\u00f3n Agr\u00edcola (CUE).<\/strong><\/p>\n

O que se busca \u00e9 unificar, nun \u00fanico sistema inform\u00e1tico, toda a documentaci\u00f3n da que dispo\u00f1en as Administraci\u00f3ns p\u00fablicas, o que implica a obriga \u2014para profesionais da agricultura e da gander\u00eda\u2014 de relacionarse coa Administraci\u00f3n por medios electr\u00f3nicos \u00fanicamente, exclu\u00edndo o papel.<\/p>\n

Para acadar este obxectivo dese\u00f1\u00e1ronse tres ferramentas inform\u00e1ticas gratu\u00edtas para as persoas usuarias e necesarias para compartir a informaci\u00f3n pertinente coa Administraci\u00f3n: o SIEX, o REA e o CUE.<\/p>\n

En resumo, neste Real Decreto tr\u00e1tase a dixitalizaci\u00f3n das relaci\u00f3ns dos titulares das explotaci\u00f3ns coas Administraci\u00f3ns mediante a subministraci\u00f3n de datos a trav\u00e9s de programas\/plataformas inform\u00e1ticas. Parello a este cambio do papel ao dixital subxace un substancial incremento de informaci\u00f3n relacionada coa actividade agr\u00edcola e gandeira requirida polas administraci\u00f3ns e \u00e1 que deben habituarse os profesionais do sector. Os novos temas a rexistrar te\u00f1en que ver coa fertilizaci\u00f3n das terras, a aplicaci\u00f3n dos fitosanitarios, os regos e declaraci\u00f3n dos cultivos e con obrigas relacionadas cos ecorr\u00e9ximes da PAC.<\/p>\n

\n
\n\t
\n\t\t