Última reunión do Foro pola Economía Social Galega en 2019

Agaca
Por Agaca Decembro 20, 2019 10:58

ACTIVIDADES

Xaneiro 2020

REVISTA AGACA

  • 146-portada-revista-wb

    Cooperación Galega Nº 146 Decembro 2019

    Editorial: Sustentabilidade de cooperativas
    A fondo: AGROSMARTglobal para vender en China e Estados Unidos
    Caderno Técnico: Oportunidades de negocio no sector primario (parte II)

    Ver Online Ver Todas Hemeroteca
  • A directiva do Foro trazou as principais liñas estratéxicas a seguir en 2020 para visibilizar a economía social.
  • En 2019 publicou un Manual Divulgativo, promoveu un ciclo de encontros arredor da economía social, no marco da Rede Eusumo e reunións informativas sobre axudas públicas relacionadas.

20191219_Foro-economia-social-galega

O Foro pola Economía Social Galega reuniuse onte en Santiago de Compostela para realizar un balance das accións realizadas en 2019 e trazar as liñas estratéxicas de desenvolvemento para 2020. A secretaria xeral de Emprego, Covadonga Toca, e a subdirectora xeral de Economía Social, Alba Paz, asistiron á reunión, xunto con representantes das entidades das cinco organizacións que o conforman.

Ao longo de 2020, o Foro prentende impulsar actividades conxuntas das entidades que o conforman, considerando que inician un camiño de colaboración que xera importantes beneficios para a sociedade galega.

O Foro constituíuse en marzo de 2019 cos obxectivos de dar visibilidade á economía social ante a sociedade e os principais axentes económicos, representando os seus intereses ante as diferentes institucións políticas, económicas e sociais, e xerando as condicións adecuadas para o desenvolvemento das súas entidades a través da intercooperación e o acceso aos procesos de contratación públicos.

Está formado por AGACA (Asociación Galega de Cooperativas Agroalimentarias), AEIGA (Asociación de Empresas de Inserción de Galicia), AESGAL (Asociación Empresarial de Sociedades Laborais de Galicia), Cegasal (Asociación Empresarial Galega de Centros Especiais de Emprego sen Ánimo de Lucro) e EspazoCoop (Unión de Cooperativas Galegas).

Durante 2019, o Foro estivo presente na conmemoración do nomeamento de Galicia como Rexión Amiga da Economía Social por parte da Comisión Europea, en maio, e publicou o Manual Divulgativo da Economía Social en Galicia. Tamén promoveu un ciclo de “Economía Social Meetings” (no marco da Rede Eusumo), que son encontros divulgativos sobre temáticas como axudas para o emprendemento e para a internacionalización, así como sobre ciberseguridade ou investigación e desenvolvemento, entre outras temáticas.

20/12/2019

Agaca
Por Agaca Decembro 20, 2019 10:58
Escriba un comentario

Non existen comentarios

Aún no hay comentarios.

Podes ser o primeiro en comentar esta entrada

Escriba un comentario
Ver comentarios

Escriba un comentario

Tu dirección de correo electrónico no será publicado.
Los campos obligatorios están marcados*