Ferrol degusta “Almorzos Cooperativos”

Agaca
Por Agaca Febreiro 4, 2020 15:17
  • O alumnado do CEIP San Xoán de Filgueira aprendeu sobre nutrición e cooperativismo nunha actividade organizada pola Asociación Galega de Cooperativas Agroalimentarias (AGACA).

20200204_Eusumo-Almorzo-cooperativo-Ferrol

Estudantes de terceiro e cuarto de primaria do colexio ferrolán San Xoán de Filgueira participaron esta mañá en “Almorzos Cooperativos”, unha actividade organizada por AGACA no marco da Rede Eusumo.

O programa “Almorzos Cooperativos” busca reforzar a importancia da alimentación nutritiva e da actividade física para manter unha boa saude, ademais de dar a coñecer o sistema de produción de alimentos e o papel que xogan as cooperativas nesto.

O alumnado recibeu unha charla sobre as propiedades dos alimentos e opcións para combinalos nun almorzo san. Como exemplo, tomaron un composto de froita, leite e pan con aceite. Para aprender o concepto de cooperativismo realizáonse xogos que fomentan a colaboración entre participantes e entregouse un cómic didáctico.

Microrrelatos

Por outra parte, AGACA e Rede Eusumo poñen en marcha un concurso de microrrelatos dirixido a escolares de segundo ciclo de primaria, co obxectivo de fomentar a escritura e impulsar o interese polo cooperativismo e pola produción de alimentos, a agricultura e o medio rural. Os centros educativos públicos de Galicia interesados en participar poden consultar las bases ou chamar ao 981 584 783.

Rede Eusumo

Esta actividade se enmárcase no programa de actuación 2019-2020 da Rede Eusumo. A Rede Eusumo é unha rede de colaboración impulsada pola Secretaría Xeral de Emprego da Xunta de Galicia para o fomento do cooperativismo e a economía social que conta co financiamento do Ministerio de Traballo, Migracións e Seguridade Social.

Agaca
Por Agaca Febreiro 4, 2020 15:17
Escriba un comentario

Non existen comentarios

Aún no hay comentarios.

Podes ser o primeiro en comentar esta entrada

Escriba un comentario
Ver comentarios

Escriba un comentario

Tu dirección de correo electrónico no será publicado.
Los campos obligatorios están marcados*