Gabinete de Comunicación

TÉCNICOS

Rosa Vázquez Segade
Xornalista. Licenciada en CC da Información
Responsable da revista "Cooperación Galega"
Responsable da comunicación externa de AGACA
981 584 783
981 558 275
rosa@agaca.coop

OBXECTIVOS

O departamento de Comunicación de AGACA encárgase das relacións e xestións cos medios de comunicación co fin de transmitir a toda a sociedade o traballo desenvolvido dende a Asociación e aqueles aspectos que supoñen unha incidencia directa no contorno do cooperativismo agrario.

Atendemos e xestionamos as demandas que nos fan chegar solicitando a opinión especializada e profesional da Asociación que, a través dos preto de vinte anos que leva funcionando e da cualificación demostrada, tense convertido nun referente importante no sector agrario en Galicia. A súa valoración e posicionamento son tidos en conta en todos os foros relacionados.

Elaboramos e editamos unha revista propia “Cooperación Galega”, na que se inclúen noticias, reportaxes e entrevistas de interese para o público relacionado co medio rural e aquel que gusta de manterse informado das novidades e tendencias do cooperativismo agrario.

A nosa revista ofrece a maiores un valor engadido aos seus socios, xa que serve de plataforma para dar a coñecer as actividades e iniciativas desenvolvidas con independencia do sector que abrangue e da súa localización na xeografía galega.