ACTIVIDADES

Novembro 2019

REVISTA AGACA

  • 145 portada

    Coperación Galega 145 Outubro 2019

    Editorial: «Comprometidos, non privilexiados»
    A fondo: Entrevista a Rafael Prieto, director xeral de Clun: «Case é imprescindible ter unha industria láctea cooperativa forte»
    Caderno Técnico: A innovación agroforestal en Galicia

    Ver Online Ver Todas Hemeroteca

Comercio e Internacionalización

As cooperativas, máis aló da súa labor comercial e de servizos, son unha entidade social. En Galicia, un de cada 9 fogares ten un familiar nunha cooperativa, o que representa que os seus produtos posúen algo que ningunha outra industria pode ofrecer: o valor engadido de saber que, con cada compra, o consumidor contribúe ao desenvolvemento económico e social do seu contorno máis próximo.

En AGACA, queremos pór de relevo esa cualidade única dos produtos cooperativos que, xunto coa súa calidade, son fortes compoñentes de diferenciación coa competencia.

Comercialización e Internacionalización

A actividade comercial e o impulso á mercadotecnia dos produtos agroalimentarios resulta hoxe vital de cara á consolidación da cota de mercado nacional e á apertura e consolidación no mercado exterior. Para conseguir un posicionamento estable no mercado é imprescindible que as cooperativas invistan en plans de mellora e innovación das súas estratexias comerciais, xa sexa establecendo unha rede comercial forte valéndose das tecnoloxías da información e a comunicación (TIC), xa sexa a través da actualización da súa loxística comercial.

Neste senso, AGACA quere ser o punto de encontro para impulsar actividades de promoción conxunta que aumenten a rendibilidade e reduzan o rico de investimento á hora de emprender este tipo de actualizacións estratéxicas para a actividade comercial das cooperativas.

    INTERNACIONALIZACIÓN

  • 🌎Dinamización de redes de contactos
  • 🌎Participación en feiras comerciais
  • 🌎Misións comerciais inversas
  • 🌎Planificación estratéxica

    COMERCIALIZACIÓN

  • 💳Asesoramento e estratexias de comercialización das cooperativas agroalimentarias
  • 💳Participación en proxectos de I+D+i e TIC
  • 💳Colaboración con organismos públicos, difusión de información, convocatorias, tendencias de consumo e prezos e informes de mercados exteriores

AGROSMARTglobal

logoAGROSMARTglobalEn outubro de 2019 comezou o proxecto AGROSMARTglobal destinado a establecer relaciñons empresariais con en China e Estados Unidos. Participan cooperativas de España, Francia e Portugal. As dez rexións do espazo europeo SUDOE que abarca o proxecto son: en España: Galicia, Castela-A Mancha, País Vasco e A Rioxa; en Francia: Nova Aquitania e, en Portugal: Norte, Algarve, Centro, Lisboa e Alentejo.

As principais actividades de AGROSMARTglobal virarán en torno tres vertentes:

-Por unha banda potenciarase a capacidade de diferenciación dos produtos das cooperativas agroalimentarias e tratarase de definir medidas para protexer e promover as Indicacións Xeográficas Protexidas (IGP) e as Denominacións de Orixe (DOP) nos mercados dixitais.

– Doutra banda, crearanse servizos de apoio á internacionalización dixital, a través dunha plataforma online onde acceder a ferramentas TIC e servizos de consultoría. Tamén traballará coas cooperativas para introducir e posicionar os seus produtos en plataformas de comercio dixital B2B e desenvolver misións comerciais a China e Estados Unidos onde establecer lazos empresariais.

– Finalmente, deseñarase un programa formativo multidisciplinar e unha rede de networking e intercooperación entre as cooperativas participantes no proxecto, así como con entidades dos mercados de destino.

AGROSMARTglobal é un proxecto europeo cofinanciado polo Programa InterregSudoe 2014-2020 dentro do eixe prioritario de fomentar a competitividade e a internacionalización das pemes del Sudoeste europeo. Conta cun presuposto total de 1.598.000,00 € e está cofinanciado, nun 75% polo Fondo Europeo de Desenvolvemento Rexional (FEDER).

Máis información premendo aquí