Case 300 estudantes coñeceron a economía social en marzo con AGACA e Rede Eusumo

Agaca
Por Agaca Marzo 28, 2019 19:18

ACTIVIDADES

Outubro 2019

REVISTA AGACA

  • 144_portada_wb

    Cooperación Galega Nº 144 Agosto 2019

    Editorial: Viticultores en problemas coa Seguridade Social
    A fondo: Daniel Ferreiro: “A decisión de fusionar Aira foi un acerto”
    Caderno Técnico: Oportunidades de negocio no sector primario

    Ver Online Ver Todas Hemeroteca
  • A SAT Casa Grande de Xanceda acolleu este mes ao alumnado de seis centros educativos galegos, que participaron en obradoiros “Divulgación do emprendemento de experiencias cooperativas como modelo de éxito”. Milhulloa acolleu tamén un obradoiro.
  • As actividades forman parte da Rede Eusumo, promovida pola Secretaría Xeral de Emprego para impulsar a economía social e o cooperativismo como modelo de negocio de éxito.

A SAT Casa Grande de Xanceda recibiu esta mañá a 41 estudantes de secundaria do Centro de Promoción Rural – EFA Fonteboa. Son o último dos grupos que este mes visitaron a entidade, como parte dos obradoiros “Divulgación do emprendemento de experiencias cooperativas como modelo de éxito”, da Rede Eusumo, para aprender as características do cooperativismo como modelo de negocio con posibilidades de manterse con éxito no medio rural, en calquera rama produtiva ou de servizos.

Un total de 283 estudantes recibiron nestes obradoiros formación impartida por técnicos da Asociación Galega de Cooperativas Agroalimentarias (AGACA), que destacan como valores positivos das cooperativas a toma democrática de decisións, a distribución equitativa de beneficios ou a diminución de riscos asociados ao emprendemento.

Casa Grande de Xanceda

Coa visita de hoxe, a sociedade agraria de transformación Casa Grande de Xanceda, unha das maiores granxas de produción ecolóxica con fábrica de produtos lácteos en Galicia, recibiu a 244 persoas este mes: o 20 de marzo visitárona escolares de bacharelato do IES Francisco Asorey (Pontevedra), o 21 de marzo o alumnado de bacharelato do IES Fontexería (Muros), o 22 o alumnado de primaria do CEIP Paradai (Lugo), o día 25 estudantes de bacharelato do IES Pontepedriña (Santiago de Compostela) e o 26 alumnado de secundaria do IES María Auxiliadora (Lugo).

Milhulloa

Onte, outro grupo de 39 estuantes de formación profesional da EFA Fonteboa vistou Milhulloa (Palas de Reis). Durante o percorrido polas instalacións, persoal da entidade explicoulles o proceso de cultivo, de preparación, de secado e de envasado dos seus produtos, así como as distintas fases que pasou a cooperativa no seu camiño cara a constituírse como un negocio rendible.

Rede Eusumo

Estas actividades enmárcanse no programa de actuación 2019 da Rede Eusumo. A Rede Eusumo é unha rede de colaboración impulsada pola Secretaría Xeral de Emprego da Xunta de Galicia para o fomento do cooperativismo e a economía social que conta co financiamento do Ministerio de Emprego e Seguridade Social.

IES Francisco Asorey en SAT Casa Grande de Xanceda

IES Francisco Asorey en SAT Casa Grande de Xanceda

IES Fontexería en SAT Casa Grande de Xanceda

IES Fontexería en SAT Casa Grande de Xanceda

CEIP Paradai en SAT Casa Grande de Xanceda

CEIP Paradai en SAT Casa Grande de Xanceda

IES Pontepedriña en SAT Casa Grande de Xanceda

IES Pontepedriña en SAT Casa Grande de Xanceda

IES María Auxiliadora en SAT Casa Grande de Xanceda

IES María Auxiliadora en SAT Casa Grande de Xanceda

EFA Fonteboa en Milhulloa

EFA Fonteboa en Milhulloa

EFA Fonteboa en SAT Casa Grande de Xanceda

EFA Fonteboa en SAT Casa Grande de Xanceda

EUSUMO-Logos-pe-pax-2019

28/03/2019

Agaca
Por Agaca Marzo 28, 2019 19:18
Escriba un comentario

Non existen comentarios

Aún no hay comentarios.

Podes ser o primeiro en comentar esta entrada

Escriba un comentario
Ver comentarios

Escriba un comentario

Tu dirección de correo electrónico no será publicado.
Los campos obligatorios están marcados*