Carballeda de Avia reúne mañá a 90 comuneiros para atopar novos usos dos montes veciñais

Agaca
Por Agaca Abril 15, 2016 11:39

  • Mañá desenvolverase a xornada “Creación de Emprego e Riqueza mediante o Uso Cooperativo do Monte Comunal” en Carballeda de Avia.
  • Relatores especializados amosarán como identificar e potenciar os recursos dos montes en man común para os veciños mediante a xestión cooperativa.
  • AGACA organiza esta xornada co apoio da Consellería de Economía, Emprego e Industria, a través da Rede Eusumo.

Xornada Riqueza en Montes ComunaisAGACA reunirá a unhas noventa persoas, pertencentes na súa maioría a comunidades de montes veciñais e de man común (CMVMC) das provincias de Ourense e Pontevedra, e presentará opcións aínda pouco explotadas para incrementar a rendibilidade dos montes veciñais, baixo o réxime de xestión cooperativa.

Preténdese con iso dar visibilidade a alternativas aos usos tradicionais dos montes controlados polas CMVMC, que suman unhas 650.000 hectáreas, —explotación madeireira e instalación de parques eólicos— e, con iso, xerar riqueza e empregos.

Durante a Xornada, trataranse aspectos económicos e lexislativos marcados pola nova Lei de Montes, a cargo do experto en asesoría de comunidades de montes Calixto Escariz. En canto á administración dos MVMC, Higinio Mougán, director-xerente de AGACA, explicará modos de xestión cooperativa dos seus recursos ociosos.

Manuel Eirín, director xerente da empresa Gaélica Solar, afondará na eficiencia enerxética como iniciativa innovadora para as comunidades de montes.

Casos de éxito
A Xornada concluirá mostrando iniciativas de éxito na explotación dos MVMC, entre elas usos relacionados co aproveitamento silvopastoril e a cría de Porco Celta (Asoporcel), así como co cultivo de castaña (Cooperativa Amarelante) e oliva (Aceites Abril).

A iniciativa está impulsada pola Consellería de Economía, Emprego e Industria, mediante a Rede Eusumo para o fomento do cooperativismo e a economía social e o Plan de Formación e Divulgación da Potencialidade do Cooperativismo.

Lugar: Salón de Actos do Concello de Carballeda de Avia, rúa Castelao, nº 4
Fecha y hora: Sábado, 16 de abril. De 09:30 a 14:45 h.

Agaca
Por Agaca Abril 15, 2016 11:39
Escriba un comentario

Non existen comentarios

Aún no hay comentarios.

Podes ser o primeiro en comentar esta entrada

Escriba un comentario
Ver comentarios

Escriba un comentario

Tu dirección de correo electrónico no será publicado.
Los campos obligatorios están marcados*