A economía social galega expuxo con éxito os seus produtos máis innovadores en Santiago

Agaca
Por Agaca Xullo 8, 2019 16:10
  • O Pop Up “Espazos Efémeros de Emprendemento de Economía Social”, organizado pola Asociación Galega de Cooperativas Agroalimentarias – AGACA- no marco do proxecto LACES, permitiu aos visitantes do Mercado de Abastos de Compostela apreciar a calidade dos produtos máis innovadores da economía social de Galicia.
  • As enquisas a expositores e público realizadas ofreceron datos moi positivos en canto ás marcas, aos productos, á iniciativa e á organización.
  • Un total de 17 empresas de economía social galegas participaron durante os seis fines de semana da primeira edición da exposición.

laces-pop-up-espacio-efimero-emprendimiento-20190629Os Espazos Efémeros de Emprendemento de Economía Social, organizados pola  Asociación Galega de Cooperativas Agroalimentarias –AGACA- no marco do proxecto Interreg PocTep LACES, cerraron a súa primeira edición  cun grande éxito de público e unha valoración moi positiva por parte de entidades e visitantes ao Mercado de Abastos de Santiago de Compostela.

Dende a súa inauguración o pasado 22 de febreiro, pasou por el POP UP un total de 17 empresas do sector agroalimentario e da economía social de Galicia. Durante seis fins de semana -tres na primeira fase celebrada en febreiro e marzo, e outros tres na segunda fase de xuño e xullo-, os participantes tiveron a oportunidade de testear os seus produtos e innovaciós ante e co público, co obxectivo de obter de forma directa unha valiosa retroalimentación do potencial cliente antes de lanzarse ao gran mercado.

Dentro do proxecto, os emprendedores tamén recibiron titorías e asesoramento en diferentes facetas relacionadas co funcionamento exitoso dunha entidade de economía social.

Co fin de favorecer a retroalimentación e a mellora continua, durante os días da exposición realizouse unha serie de cuestionarios a visitantes e a empresas participantes.  Estas, preguntadas por aspectos coma contacto co público, difusión da marca, aceptación dos productos ou expectativas ante a iniciativa, outorgaron puntuacións de notable alto.

As empresas e produtos participantes na primeira edición da exposición “Espazos Efémeros de Emprendemento” foron as cooperativas Milhulloa (infusións) ; Condado Paradanta (requeixo, queixo e mel), Productores del Campo de Capela (queixo e requeixo), Terras da Mariña (Faba de Lourenzá), Tres Fuciños (chacinería de Porco Celta), Cobideza (queixo), Bodegas Martín Códax (sangría), Monte Cabalar (chacinería), Erica Mel (mel), Clun (produtos lácteos), Cooperativa Agraria Provincial da Coruña (coa marca Bico de Xeado) e Nutre en Bio e Alcrique (as dúas con produtos de horta ecolóxicos), ademáis de Dairylac e Caprina Galega (as dúas con queixos), Conservas Anaco (empresa de inserción laboral) e Freshcut (centro especial de emprego, participaron con productos derivados da froita).

 Organizadores

A Asociación Galega de Cooperativas Agroalimentarias – AGACA- organizou esta actividade no marco do proxecto LACES: Laboratorios de apoio á creación de emprego e empresas de economía social, no que participan tamén Universidade de Santiago de Compostela, Espazocoop (Unión de Cooperativas Galegas), Aesgal (Agrupación Empresarial de Sociedades Laborales de Galicia), Xunta de Galicia, Universidade de Trás-os-Montes e Alto Douro, Universidade do Minho, In.cubo (Incubadora de Iniciativas Empresariales Inovadoras) e a Câmara Municipal de Santo Tirso.

Proxecto LACES

interreg-laces-perfil-contratanteO Proxecto LACES: Laboratorios de apoio á creación de emprego e empresas de economía social, está cofinanciado polo Fondo Europeo de Desenvolvemento Rexional (FEDER) a través do Programa Interreg V-A España-Portugal (POCTEP) 2014-2020.

O Proxecto LACES tiene como fin último contribuír ao fomento e consolidación da economía social na Eurorrexión Galicia-Norte de Portugal para conseguir un salto cualitativo na súa capacidade para xerar e consolidar emprego, a través da execución de programas piloto para a competitividade e impulso de empresas de economía social no espazo transfronteirizo.

Que é a economía social?

Denomínase economía social ao conxunto de actividades privadas creadas para satisfacer as necesidades dos seus integrantes e/ou o interé xeral económico ou social. É o caso de cooperativas, sociedades laborais e centros especiais de emprego.

Os principios orientadores da economía social son, entre outros, a primacía das persoas e do fin social sobre o capital; adhesión libre e voluntaria; xestión autónoma, transparente y democrática; orientación aos intereses dos miembros e ao interese xeral; aplicación dos resultados ao fin social obxecto da entidade o ao interesse general; solidaridade, igualdad de oportunidades e cohesión social, e independencia dos poderes públicos.

08/07/2019

Agaca
Por Agaca Xullo 8, 2019 16:10
Escriba un comentario

Non existen comentarios

Aún no hay comentarios.

Podes ser o primeiro en comentar esta entrada

Escriba un comentario
Ver comentarios

Escriba un comentario

Tu dirección de correo electrónico no será publicado.
Los campos obligatorios están marcados*