ACTIVIDADES

Febreiro 2020

REVISTA AGACA

  • 146-portada-revista-wb

    Cooperación Galega Nº 146 Decembro 2019

    Editorial: Sustentabilidade de cooperativas
    A fondo: AGROSMARTglobal para vender en China e Estados Unidos
    Caderno Técnico: Oportunidades de negocio no sector primario (parte II)

    Ver Online Ver Todas Hemeroteca

NOTA DE PRENSA: Cooperativas Agro-alimentarias de España

  • Ramón Armengol, representante de Cooperativas Agro-alimentarias de España será presidente da COGECA, organización que aglutina a 22.000 cooperativas e 7 millóns de socios e socias na UE.

20191128-armengol-cae-presi-cogeca Ramón Armengol, representante de Cooperativas Agro-alimentarias de España, foi elixido durante os próximos 3 anos presidente da Confederación de Cooperativas Agroalimentarias da UE, COGECA, no transcurso do Presidium, o seu máximo órgano, celebrado hoxe en Bruxelas. A COGECA representa ás 22.000 cooperativas agroalimentarias da UE, e é xunto co COPA a maior organización agroalimentaria na UE.

Ramón Armengol é gandeiro dende fai máis de corenta anos, comparte co seu fillo e oito traballadores o coidado dunha granxa de ciclo pechado de porcino en Lleida e é socio do Cooperativa D’ Ivars, dedicada á produccion e comercialización de cereais, pensos, porcino e vacún de carne, que conta con máis de 3.600 socios e socias e factura máis de 200 millóns de euros. Á súa vez, é membro do Consello Reitor da Federación de Cooperativas Agroalimentarias de Cataluña, FCAC, e de Cooperativas Agro-alimentarias de España, onde ocupa ademais o cargo de presidente do Consello Sectorial de porcino.

Ramón Armengol ten unha ampla experiencia en Bruxelas, debido a que durante moitos anos foi membro do Grupo de Traballo de carne de porcino do COPA- COGECA e actualmente ocupaba o cargo de vicepresidente da COGECA.

Tal e como destacou na súa intervención Ramón Armengol “dende a COGECA vou traballar para facer máis visible o labor das cooperativas agroalimentarias na UE como empresas cuxa principal misión é mellorar a rendibilidade dos seus socios agricultores. Estas empresas son imprescindibles nos territorios rurais porque xeran riqueza e emprego, evitan o despoboamento que estamos a padecer en moitas rexións europeas e facilitan a incorporación de persoas mozas ao sector”. Armengol sinalou que “as cooperativas captan o valor engadido dos produtos dos seus socios facendo que estes poidan ser máis competitivos e poidan producir de forma eficiente, innovando e accedendo a outros mercados, accións que de forma independente non poderían realizar”.

Segundo a Comisión Europea, destacou Armengol, “nos países da UE onde as cooperativas teñen un maior peso no sector agroalimentario, é onde os agricultores e gandeiros obteñen mellores prezos, como é o caso de Dinamarca, Suecia, Holanda ou Alemaña. Por tanto, desde COGECA traballarei para que as políticas da UE promovan instrumentos de integración das cooperativas para facer que o seu peso aumente no mercado, o cal redundará en beneficio de todo o sector”.

20191128_Armengol-presi-Cogeca_Montes_VillafrancaRamón Armengol asume a presidencia desta importante organización da UE nun período clave para o sector agroalimentario europeo e, en especial, o español e as súas cooperativas. Coa nova Comisión Europea chegan novas prioridades como o chamado Pacto Verde (Green Deal) que pretende facer á UE o primeiro continente neutro en carbono no 2050. Este acordo afectará o sector agroalimentario, xa que agricultores e cooperativas deberán afrontar novos condicionantes ambientais e, por tanto, un novo enfoque produtivo e de comercialización. Ademais, a Comisión Europea implantará unha nova estratexia para o sector agroalimentario, a chamada Da Granxa á Mesa, que aposta por un enfoque holístico a toda a cadea de valor e cuxo obxectivo é racionalizala dende a produción de alimentos ata o seu consumo, tendo en conta o medioambiente, a economía circular, a loita contra o desperdicio alimentario, a redución de pesticidas, o fomento da bioeconomía etc..

Pero tamén a axenda virá marcada polas negociacións para decidir a nova PAC e as perspectivas financeiras da UE 2021-2027; Ramon Armengol trasladará ao Consello e á Comisión Europea a posición da COGECA sobre a necesidade de manter o orzamento actual da PAC.

Ademais, o Brexit e a política comercial da UE serán outros temas nos que traballará a nova presidencia da COGECA, para o que trasladará á Comisión os seus enfoques e posicións para que a OMC siga sendo o garante do multilateralismo, afrontar e contrarrestar de maneira construtiva e europea a nova actitude dos EEUU ante o comercio ou as negociacións de novos acordos comerciais con Nova Zelandia e Australiaa.

Xunto a Ramón Armengol como Presidente da COGECA apostouse por un equipo presidencial que dá maior presenza á muller nos órganos de goberno da COGECA, polo que se integraron a dúas mulleres como vicepresidentes: Tiina Linnainamma, da organización cooperativa finlandesa Pellervo, e Agnieszka Malinszewska, da organización polaca NBZPR. O resto do equipo presidencial está composto por Thomas Memmert, da DRV alemana, Jorgen Mikkelsen, do Consello danés de agricultura, Leonardo Pofferi, da Alleanza italiana de cooperativas, e Bernard Ader, de Coop de France. A nova presidencia comezará a súa actividade o próximo 1 de xaneiro de 2020.

28/11/2019